Somos un festival de amigos, de familia, de fanáticos do fantaterror e de xente con ansia de que o cine e a cultura encha as rúas e os pobos.

Con este espírito nacemos no 2014 e con este queremos continuar moitos anos máis consolidándonos coma un dos referentes do cine de xénero en Galicia.

O Fancine de Lemos nace da man de Iván Patiño e Carlos Álvarez, monfortinos e profesionais do mundo do cinema que quixeron apostar por impulsar na súa terra un evento que axunte o mellor do panorama do cine de fantástico e de terror nacional e internacional.

Ao longo dos nosos anos de historia, estamos a construir un lugar de encontro onde os cinéfilos poidan gozar de pezas audiovisuais de gran nivel e onde os menos cinéfilos atopen actividades que non os deixen indiferentes, convertendo a cidade no epicentro estival do audiovisual de xénero dentro e fóra de Galicia.

Desexámos compartir con vos películas, charlas, vermús, ideas e risas. Invitámosvos a ser parte do noso pequeño grande proxecto.