'OVO', 'COMPAÑEIROS', 'ELS MAL', BOX FOX' E 'ANECOICA', GAÑADORES DOL FANCINE 2023

• O Fancine de Lemos deu por finalizada onte a súa edición más exitosa con más de 1.500 participantes nas diferentes actividades.

• A broche do festival foi a proxección da película 'El Exorcista', nos multicines Hollywood de Monforte de Lemos

10 de xullo de 2023 O pasado sábado celebrouse na Casa da Cultura Lois Pereiro de Monforte de Lemos a gala de clausura e a entrega de premios da Fancine de Lemos 2023.

Conducido pola xornalista monfortIna Manola Porto, e coa intervención de Iván Patiño, director do festival e Marina Doutón, concelleira de cultura, entregáronse na gala os premios á Mellor Curtametraxe Galega, Mellor Curtametraxe Española, Mellor Curtametraxe Internacional e Premio do Público.

Os premios foron entregados polos membros do xurado: Marian Salgado, Aida Cordero e Marina Doutón.

Este é o Palmarés do Fancine de Lemos 2023:

- Premio á mellor curtametraxe galega por 'Compañeiros', de Fernando Tato. Unha historia sobre dous mozos compañeiros que se reencontran despois de trinta anos. O que parece unha coincidencia, faise raro ata converterse nunha situación cada vez máis estraña.

- Premio á mellor curtametraxe nacional por 'Els Mal' de David Mataró. Unha película sobre o amor adolescente entre unha nena vampiro e un neno humano que descubrirá que o máis difícil de namorar é coñecer á familia da túa nena, sobre todo se son vampiros.

- Premio á Mellor Curtametraxe Internacional por 'Ovo' de Steve Spasojevic. Esta é a historia do encontro entre un sorprendente robot do espazo exterior e un adorable paxaro.

- Premio do Público por 'Box Fox' de Aurora González Segura/ Ángela Ronco Núñez/ Juan José Romero Cortina. Un raposo intrépido viaxará por un perigoso mundo de fantasía para atopar a unha enigmática nena cuxo rostro aparece nun misterioso arquivo.

- Mención especial para 'Anecoica' de Marcos Callejo. Ana, unha muller pobre e viúva, preséntase como voluntaria nun experimento ilegal para gañar cartos: estará encerrada nunha habitación anecoica, o lugar máis tranquilo do mundo, onde debe permanecer o maior tempo posible se quere ser recompensada.

LONGAMETRAXES, EXPOSICIÓNS, COLOQUIOS E LIBROS COMPLETAN A PROGRAMACIÓN DO FANCINE DE LEMOS 2023

Esta semana presentouse a programación completa da IV edición do Fancine de Lemos.

O festival, referente galego do cinema fantástico,  chega este ano á súa novena edición con cinco días de proxeccións de curtametraxes, longametraxes e actividades paralelas arredor da produción e distribución de proxectos cinematográficos e da arte da creación de pezas e obxectos de terror.

Ademáis das vintetres curtametraxes a concurso, proxectaránse seis longametraxes con opcións para todos os públicos:

“O Corpo aberto” (Ángeles Huerta, 2022) e “Unicorn Wars” (Alberto Vázquez, 2022, Premio Goya á mellor película de animación) son “unha teima persoal por incluir producciones gallegas”, destaca Iván Patiño, director do Fancine dende 2014. Ambas proxeccións contarán coa presenza dos seus directores.

“Scobby!” (Tony Cervone, 2022) é a oferta dirixida ao público infantil e xuvenil.

'La endemoniada' (Amando de Ossorio, 1975) reivindica o mellor do Fantaterror español e homenaxea a unha das grandes artistas do xénero en España, Marian Salgado, a quen poderemos ver na outra grande aposta do festival: O pase especial de “El excorcista” (William Friedkin, 1973) con motivo do seu cincuenta aniversario.

A oferta de longametraxes complétase cunha proxección sorpresa que tendrá lugar o venres á noite no Parque dos Condes.

Durante os cinco días de festival, os asistentes ao Fancine de Lemos poderán gozar dun calendario de actividades paralelas.

Un dos fitos importantes desta edición é a Mostra "Obxectos malditos do cine", unha versión diferente, divertida e única das réplicas das pezas máis coñecidas do mundo do terror: Os icónicos e terroríficos obxectos da gran pantalla a man de Marc Pujol, escenógrafo, amante do macabro e creador de Anomalia, un estudo dedicado a facer pezas únicas de terror para o mundo audiovisual. Pódese visitar na Casa da Cultura Lois Pereiro.

O ciclo de charlas e coloquios xera espazos de encontro entre profesionais do sector onde compartir puntos de vista.

Dentro deste ciclo teremos a oportunidade de escoitar a Alberto Díaz, fundador de Yaq Distribución na charla: "A distribución no mundo das curtametraxes e a autoconciencia da obra".

Teremos unha Mesa Redonda conUnicorn Wars: Un coloquio arredor dos procesos e desenvolvemento do cinema de animación. Un repaso ao estado actual deste xénero e as posibilidades e dificultades de levar a cabo os proxectos.

O historiador monfortino Felipe Aira achéganos a historia máis misteriosa e inquietante das terras máxicas de Lemos da man da charla "Veciños da Terra de Lemos acusados de meigas, adiviñas e feiticeiros"

Da man de Marian Salgado, Aida Cordero e Reinaldo Pereira, poderemos gozar dunha sesión vermú moi especial: Vermú-coloquio sobre fanterror español, onde abordaremos o panorama español e repasaremos aos grandes directores de xénero deste país.

O broche final do festival será a proxección da película "O excorcista". A continuación, Marc Castro impartirá unha charla sobre "50 anos de O excorcista", onde falará do aniversario da película e da súa importancia na sétima arte.

No marco das actividades paralelas do Fancine deste ano e co obxectivo de achegar propostas culturais máis aló do estritamente cinematográfico, contaremos tamén coa presentación de varios libros con coloquio cos autoras: 'La hija del periodista' (Marian Salgado) 'Las crónicas de Vanusum I' (Andrea Micc) 'El soplo del viento' (Yaiza Galán)

Por último, cabe destacar na programación do festival o concurso Fantafesti: Curtas Curtas, un concurso de curtametraxes fantásticas ou de terror gravadas co móbil e cunha duración máxima de 20 segundos. Unha aposta do fancine por defender a formación e a creatividade da xente da zona.

SELECCIÓN OFICIAL DAS CURTAMETRAXES DO FANCINE DE LEMOS 2023

O Fancine de Lemos contará para a súa novena edición con 23 curtametraxes a concurso escollidas entre máis de trescentas obras, trinta delas galegas, que se presentaron á convocatoria do festival.

As curtametraxes serán proxectadas en catro pases diferentes durante o festival e optarán aos premios de Mellor curtametraxe nacional, Mellor curtametraxe internacional, Premio especial do público e Premio Algueira Mellor curtametraxe galega.

O xurado estará composto por tres mulleres con amplia experiencia e coñecemento no mundo do cine: Aída Cordero, Marián Salgado e Marina Doutón.

Aída Cordero é Licenciada en Comunicación Audiovisual e Doutora en Ciencias da Información pola UCM. No 2018 dirixiu a súa primeira curtametraxe profesional, “Movie Time”, que foi seleccionada no Nocturna (Festival Internacional de Cine Fantástico de Madrid) ou no Sombra (Festival de Cine Fantástico europeo de Murcia). Actualmente anda inmersa no programa CIMA Impulsa, desenvolvendo a largometraxe “El claro de las luciérnagas” como productora.

Marian Salgado , actriz e actriz de dobraxe, foi a voz de Linda Blair en "El exorcista" (1973), protagonizou "La endemoniada" (1975), participou en "El extraño amor de los vampiros" (1975) , en “¿Quién puede matar a un niño? (1976)” e interpretou unha enorme cantidade de personaxes en teatro, cine e radio.. É ademáis autora do libro autobiográfico “La hija del periodista” publicado pola editorial Applehead Team Creaciones.

Marina Doutón é Concelleira de Educación, Xuventude e Cultura de Monforte de Lemos ademáis de ser profesora de Educación Secundaria nas áreas de historia, xeografía e educación plástica e visual.

Podes consultar todas as curtametraxes seleccionadas aquí

Andrea Rodríguez deseña o cartel da IX edición do Festival

A silueta do xa tradicional “Fancinito” (logotipo do festival Fancine de Lemos dende os seus comezos) cruza, maleta na man, a ponte vella da cidade en plena noite. Iluminado únicamente polas luces dos farois que crean un contraste de claroscuros ao máis puro estilo do expresionismo alemán, a imaxe transpórtanos inmediatamente ao desacougante cartel da película de “O Exorcista” (William Friedkin, 1973) onde un fantasmagórico Max von Sydow, no papel do Pai Merrin, perfílase baixo as luces da cidade.

Así presenta a deseñadora monfortina Andrea Rodríguez o cartel da IX edición do Festival de cine fantástico FANCINE DE LEMOS.

“Déronme total liberdade para crear e compoñer, só me indicaron que esta edición estaría inspirada no Exorcista, así que tomei como referencia o cartel da película orixinal do 1973. A néboa monfortina, cada inverno, xera unha atmosfera moi tétrica, ideal para ambientar unha película de terror como esta, así que o pasado Nadal fixen un percorrido polos lugares máis emblemáticos da nosa cidade, buscando a localización perfecta. Escollín a Ponte Vella, que é unha das iconas de Monforte, e acompañoume o Fancinito interpretando o papel para a ocasión”.

Considerado pola crítica un dos clásicos do cine de terror, a película “O Exorcista”, cumpre 50 anos da súa estrea. Con esta efeméride na porta, a novena edición do Fancine de Lemos renderá este ano homenaxe ao filme cuxo aniversario centrará a edición deste 2023.

*Andrea Rodríguez realiza, dende o seu estudio na Coruña, proxectos de fotografía, video e deseño gráfico. A artista monfortina estudiou Fotografía artística, Publicidade e Creatividade Publicitaria e Comunicación Audiovisual. WEB

Palmarés FanCine de Lemos 2022

A oitava edición do FanCine de Lemos celebrou a súa gala de clausura o sábado 9 na adega Algueira en Sober. Entregáronse os premios ás curtas gañadoras seleccionadas polo xurado formado polo actor Chechu Salgado, a actriz Sabela Arán e o director do Sombra Festival, Javier García.

No acto, presentado pola actriz Beatriz Serén, estiveron presentes as autoridades das institucións públicas implicadas este ano no FanCine de Lemos: os Concellos de  Monforte de Lemos, Sober e A Pobra do Brollón, así como a Deputación de Lugo e a Rede Museística Provincial de Lugo. 

O premio a mellor curtametraxe foi para El Semblante. Foi recollido por Carlos Moriana, un dos directores xunto con Raúl Cerezo. 

A mellor curtametraxe internacional foi para Covid Love. O seu director, René Nuijens, estivo presente na gala a través dunha conexión telemática.

O premio a mellor curtametraxe galega foi para Canibalismo, e foi recibida polo seu director Diego Aballe, a directora de arte Amanda Seijas e o actor Fran Nogueira.

O premio do público foi para Oro , e foi recollido polo seu director Manuel Valcárcel, xunto con membros do equipo.

Ademais, a curta Loop de Pablo Polledri recibiu unha mención especial. O xurado salientou da peza “a súa visión dunha sociedade que entra en bucle, contada no formato da animación tradicional”.

O xurado valorou en xeral o “altísimo nivel das curtas finalistas” e a dificultade que supuxo para seleccionar as curtametraxes gañadoras.